Pranatacara

PRANATACARA

   MC utawa Master of Ceremony mengkono istilah sing misuwur tumraping pranatacara. Pranatacara kajibah nglantarake titilaksana ucapaca pasamuan, temanten , lan sapa nunggalane. Basa sing dienggo pranatacara gumantung karo upacarane.

pranata cara, yaiku paraga kang nduweni jejebahan lan nglantarake titilaksana ing acara
A. Maca lan Nanggepi Teks pranatacara

Gatekno pethilan teks pranatacara

Assalamualaikum Wr.Wb

        Dhumateng panjenenganipun para pepundhen, para sesepuh pinisepuh ingkang hanggung mastuti dhumateng pepoyaning kautaman ingkang pantes pinundhi. 

     Para pengembang pangembating praja satriyaning negari minangka pandam pandoming para kawula dasih ingkang sinuba ing pakurmatan.

...........
     Caos uninga katur dumateng para lenggah, bilih titilaksana ijab qobul putra pinanganten, nun inggih Rara Ayu Fitri Kusuma putra putri nipun bapa joko susena ingkang kadahupaken kalian Bagus Ganes Sri Narendra putra kakungipun bapak Agus Dahlan ingkang lenggah wonten Sekayu Semarang , sampun kalaksana kanthi wilujeng nir ing rubeda duk nalika dinten selasa, 29 Maret 2016 wanci tabuh 09.00 mapan ing Sekayu.
     Paratamu Kakung sumawana Putri, wondene menggah reroncening tata adicara ingkang sampun rinancang rinacik rinumpaka Deming para kulawangsa nun inggih:

1. Binuka Jantho sowaning putra Temanten sarimbit sasana busana;

2. Purnaning tata upacara sowanipun pinanganten;
3. Atur pambagya  Yuwana saking hamengku karsa;
4. Ndungkap Titi laksa tataran angka sekawan,lir Gumanti pasrah saja panampining putra temanten
5. Adiacara ingkang angka gangsal sabdatama;
6. Wondone pratandha purnaning pahargyan saking kaluwarga minangka peran para.
  Para rawuh Saha para lenggah, jumbuh Kalitan urut reroncening tata upacara ingkang ugi karana sampun paripurna risang pinanganten sarimbit anggenya hangadi salira mulas wasana.
Jengkaripun tematen sarimbit saking sasana busana..

B. Nemokake Isi Pokok Teks Pranatacara 

1. Teks Pranatacara kasebut ngandharake Titi laksana ijab Qabul;
2. Acara binuka kanthi sawane temanten sarimbit,waosan Kalamullah,atur pambagya Hamengku karsa, pasrah, sabdatama,kan Paran para.

C. Mbedhah kaidah Pranatacara
  Urut-urutane teks Pranatacara:
1. Salam pembuka;
2. Atur Pamuji;
3. Atur kasugengan,kairing atur panuwun;
4. Wedharing gati;
5. Atur nyuwun pangapura;
6. Panutu
7. Salam penutup.

D. Maca teks Pranatacara

1. Pengucapane kang trep
2. Pamedhote ukara kang trep
3. Intonasi,nada, lan tekanan kang trep
4. Mangerteni tandha wacan kanthi trep
5. Swara kang cetha
6. Ngatur Alon kan cepete pamaca
7. Ngolah treping mlebu wetuning napas
8. Mahami wacan
9. Pracaya marang dhiri pribadi

E. Kawruh kagunan basa

  Tembung  yogyaswara

Tembung yogyaswara,yaiku rong tembung kang tulisan apadene pakecakapane meh padha, dianggap bebarengan,kan nduweni teges lanang-wadon
Contone:
• bathara-bathari
• kedhana-kedhini
• hapsara-hapsari

F. Tembung Entar

  Entar tegese silihan,yaiku tembung kang nduweni teges ora salagune.  Tembung Entar nduweni isi kang Gedeg Karo tetembunge (gadjah teges kiyas).
Contone
• Gedhe endhase = gumedhe
• kenthul pikirane = bondho

G. Rura basa
   Rura basa saka tembung rurah kang tegese rusak utawa bubrah. Rura basa iku basa kang rusak utawa bubrah,amarha ora ketemu nalar. Rura basa iku basa kang salah, ning wiskabacut lumrah.
Contone:
• godhog wedang
•nguleg sambel

H. Panyandra
       Panyandra asale saka tembung candra,kang duwe teges wetunan kaanan wewujudan sarana pepindhan. Kang diutamakake ing panyandra iku gegambaraning kaendahan kang kawengku ing samubarang kang dicandra. Panyandra menggah kabergasaning badan.
Contone:
• rambute ngombak banyu
• drijine muncuk eri
• alise nanggal sapisan

I. Pepindhan
  Pepindhan iku tetembungan kang ngemu isi irib-iriban Utawa emper-emperan. Padha Karo kekarepane Karo kaya,kasi,kadya,lir,pendah.
Contone:
• lakune kaya macan luwe
• rukune kaya mimi lan mintuna
• suwarane kaya bledheg

(Sumber : gegaran nyinau Basa Jawa 1 kelas X SMA/SMK/MA, hal 65-67)